Reflexive and Emphatic Pronouns (தன்வினை மற்றும் வலியுறுத்தும் பிரதிப் பெயர்ச்சொற்கள்)

Reflexive Pronouns (தன்வினைப் பிரதிப் பெயர்ச்சொற்கள்)

ஒரு வாக்கியத்தில் Subject (எழுவாய்) செய்யும் செயலின் விளைவு, திரும்பவும் அந்த Subject-ஐயே வந்து அடைந்தால், அங்கு பயன்படும் வார்த்தை Reflexive Pronoun எனப்படும். இதைக் கண்டுபிடிக்க, Pronoun உடன் -self அல்லது -selves சேர்ந்திருக்கும்.

உதாரணங்கள்:

• I hurt myself. (நான் என்னையே காயப்படுத்திக் கொண்டேன்).
• They ruined themselves. (அவர்கள் தங்களையே அழித்துக்கொண்டார்கள்).
• He hung himself. (அவன் தன்னையே தூக்கிலிட்டுக் கொண்டான்).

Emphatic Pronouns (வலியுறுத்தும் பிரதிப் பெயர்ச்சொற்கள்)

இதே -self வார்த்தைகள், ஒரு வாக்கியத்தில் Subject-ஐ அழுத்திக் கூறுவதற்காக (For the sake of emphasis) பயன்படுத்தப்பட்டால், அவை Emphatic Pronouns எனப்படும்.

உதாரணங்கள்:

• I will do it myself. (நான் நானாகவே / என் சொந்தப் பொறுப்பிலேயே இதைச் செய்வேன்).
• You yourself can explain it. (நீ நீயாகவே இதை விளக்கலாம்).
• She herself says so. (அவள் அவளாகவே அப்படிச் சொல்கிறாள்).